tay,
naka adto najud intawn ko sa inyuha. gipangandoy jud nako nga masinati bisan kadiyot lang ang imong kinabuhi. pagkadungog nako sa balita nga gipatay ka, nitulo jud baya akong luha bisan wala pajud ta nagkailhanay.
nisamot ug sakit akong dughan pagkahibaw nako sa mga detalye sa imong kamatayon. unta, natagaan ta ug panahon nga nagkailhanay ug bisan kadiyot lang. saludo ako kanimu, sa pakigbisug nga imong gibuhat dili lang para sa imuhang kaugalingon kundi para sa nasud.
bisan ug wa naka kaabot sa birthday sa imu asawa, ayaw ug kabalaka kay padayon gihapon siyang gimahal sa mga taw nga imong natabangan. nakatulog ko sa inyong balay ug pirti nakong praninga kay basin adtuon mi ug militar. hehe nasayud ako nga kung nailhan tika, mahalon gyud tika ug walay duha-duha. mao sad tingali nga wa ta gipaila-ila sa Ginoo kay kibaw siyang grabe gayud ako nga masakitan sa imong pagkawala.
ayaw ug kabalaka tay, padayun gihapon ming makigbisug sa imong gipakigbisugan. ug kung asa man ka karon, pahuway na. kami nasad. hantud sa madala, paningkamuton nako nga mutabang sa katawhan kuyog ang uban ko pang mga nanay ug tatay.
nagtulo nasad akong luha tay, nagsakit gihapon akong buot sa nahitabo. manubag ra unya ang nibuhat niini kanimu.
gimahal tika. gimahal tamong tanan.
ingna nalang niya si Lord nga tabangan pud unya mi sa among pakigbisog.
kutob nganhi tay.
hantud sa magkita najud ta.
No comments:
Post a Comment